Молхаш лоаттаяра гӀулакхах дийцар Парламенте
Дарбанчешка молхаш лоаттаярах долча гӀулакхах дувцаш, кхетаче дӀайихьар Халкъа Гуллама унахцӀенон комитето, вахара политиках болча оагӀон кулгалхочун гӀонча волча Олиганаькъан Бадрудина. ВӀашагӀкхетаре дакъа лоацаш хилар дарбанчешкара, иштта кхыйолча моттигашкара болхлой. УнахцӀенон гӀулакхах йолча Министерствон кулгалхочун гӀонча йолча Настайнаькъан Амината дийцар бахархошта молхаш лоаттаяра гӀулакхах.
«Мехкарча 14 299 Ӏаьдало мах боацаш молхаш теларашта федеральни ганзерча 68,1 млн ахчах, 28,9 млн республикерча рузкъах молхаш Ӏалашъяьй», - йоах хоамо.
Кхетаче белгалдир, мехкара цхьабола бахархой уж молхаш дӀаийе раьза боацилга. Цу хьакъехьа бахархошца къамаьл де дезилга хьоахадир гулбеннараша. Цул совгӀа, ца хилча яргйоацаш, геттара чӀоагӀа эшаш йолча молхай гӀулакх айденнад. Карарча хана вай мехка 57 унахо ва наггахьа мара наха юкъе нийслуш доацача (орфанни оалача) лазаро лаьца. Ӏаьдало, «Дикалла гом» яхача ганзо лоаттаю царна молхаш. Белгалде деза, из гӀулакх лакха тӀахьожам болаш дӀадахьа дезилга. Унахой гӀулакхага боаггӀача боараме хьажа беза!
