Мехкада юкъе волаш, бӀаьстан сесси хьайийллар Парламенте
Халкъа Гулламе хьайийллар бӀаьстанара сесси. Цига дакъа лоацаш вар вай Мехкада Келаматанаькъан Махьмуд-Ӏаьла.
Ший къамаьла юкъе республикан Кулгалхочо хьоахадир, тӀема котало кхаьча 80 шу дизара кийчо яр дувцаш дӀаяхьа езача кхетаченех. Иштта Мехкадас белгалдир, тӀема операце доакъашхошта, цар дезалашта массахана гӀо лоаттаде дезаш хилар.
«Турпалий ха» яха проект мехка йоаржайича дика хургда, аьнна, белгалдаьккхар Мехкадас. Парламента спикер волча ТӀумхой Мухьмада тӀатехар, укх шера дӀабахьа безача балха юкъе бахархой бокъонаш лораяр, культураца, дешарца дувзаденнараш эггара керте латтилга.
2025-гӀа шу Президента Даьхе лораеш латтарий шу да, аьнна, белгалдаьлга аьлар цо. «Тахан, тӀема котало яьккха 80 шу дизар вай дездеча хана, чӀоагӀа лоархӀаме да Даьхен гӀулакха латтараш, цу наькъ тӀа вахар дӀаденнараш дагалацар», - аьлар ТӀумхой Мухьмада.
