Петербурге белгалдир ГӀалгӀай паччахьалкхен 100 шу дизар
Санкт-Петербурга къамий ЦӀагӀа кхетаче дӀайихьар, ГӀалгӀай паччахьалкхен 100 шу дизар дездеш. Цига дакъа лоацаш бар ГӀалгӀайчен викалаш, хьаьший, цар доккха дакъа юкъеденад халкъашта юкъе барт бара, яхаш, дийцар «Сердало» газетага ГӀалгӀай Республикан ГӀибухен-Малхбузен федеральни куран тӀарча викала Овшанаькъан Муслима.
Тхоца къамаьл даьчо яхачох, кхетаче дӀахьош, керттерча даькъе Петербургерча гӀалгӀай къамах болча юкъарлон доакъашхошта, ГӀалгӀай Республикан кулгалхочун Келаматанаькъан Махьмуд-Ӏаьлан цӀерагӀа «Дукхача шерашка дика къахьегарах, пайдане бувзамаш лоаттадарах» яха майдилгаш елар.
«Кхетаче хозъеш хилар ГӀалгӀай Республикан цӀихеза артист Беканаькъан Рахьман. Ведажанаькъан СаӀида, Сарас хьаьшашта лаьрхӀа йийшар «ГӀалгӀайче» яха Курсайнаькъан Зейнапа байт, цу байто хьалхадоах, къаман культура лорае езаш хилар», - аьлар хоамо.
