Пхьилекъонгий-Юртарча наха, машинаца хий тӀакхухь
14.07.2025 12:58
Укх кхорзаденнача, Ӏимецача деношка, хий доацаш, халача хьале хьувз Пхьилекъонгий-Юртара бахархой. Цар гӀулакх аттача даккха гӀерташ, машинаца хий тӀакхухь царна. Из хоам «Сердалога» бир администраце.
ХӀара дийнахьа хий доацача наха из тӀакхухьаш лел машин. «ДӀадахача кӀирандийнахьа пхи машин хий дера юрта. Таханарча дийнахьа хий дайта аьнна дехар чуденнараш 15 саг ва. Ше-ший аргӀагӀа бахархошта хий кхухьаш лел, лаьрххӀа араяьккха машин.
