Республикерча МЧС колледже кхетаче дӀайихьар
06.02.2025 10:09
Республикерча МЧС колледже кхетаче дӀайихьар Гаьнарча малхбоален эскара училищен хьехархо волча Каюков Дмитре, республикан военкомата болхлочо ГӀаьнажанаькъан Рамзана. Из хоам «Сердалога» бир дешара моттигера.
«ТӀема дешара моттигашка деша оттарах дийцар хьаьшаша кагирхошца. Эпсарий гӀулакх Ӏомадарах къаьстта дукха дийцар гулбеннараша. Подполковник волча Бексолта Рамзана хьоахадир, эпсара декхараш леладераш Даьхенах дог лазаш, наьха хьал лорадарах керте шоай керттера декхар даь бола нах болга. Кагирхой раьза болаш, цар баркал оалаш, чакхъяьлар кхетаче», - дийцар тха газетага.
