Хоамашцарча кхерамзленца дувзаденнарех дийцар мехкарча паччахьалкхено
Хоамашцарча кхерамзлен хьалаца дувзаденнарех дийцар, мехкарча паччахьалкхено дӀайихьача Координационни кхела кхетаче. Из хоам «Сердалога» бир республикерча Миннацо.
«Кхетаче дакъа лоацаш бар ГӀалгӀайчен Паччахьалкхенна хьалха латта Сластенин Владимир; ЮФО, СКФО Россе ФСТЭК оагӀон кулгалхочун гӀонча Шеверова Надежда, иштта федеральни оагӀонцара, моттигашкара хьакимаш», - йоах тхога бенача хоамо.
Ший къамаьла юкъе Шеверова Надеждас белгалдир, тӀехьарча пхе шера Россе моттигашка даржаш долча ца эшача хоамашта духьала болх лоаттабе безилга.
Хоамашца дувзаденна кхерамзлен хьал лорадар лоархӀаме да тахан. Цу оагӀонца кхоачашдаьрех, дӀахо болх дӀахьош де дезарех дийцар гулбеннараша. Аьттув баьннарех да къаьст-къаьстта йола программаш юкъейоалаяр, ПО кердаяккхар, иштта кхыдараш.
Цул совгӀа, къаьстта терко е езарех да лаьрххӀа кийчбаь болхлой цахилар. «Хоамашцара кхерамзле» яхача оагӀонца шоай говзал лакхъе аьнна дӀахьожаваьв вай мехкара 30 болхло.
Сластенин Владимира белгалдир, цу оагӀонцара болх тахан мехка боаггӀача боараме дӀахьош хила безилга».
Таханарча хано дӀадеххача тайпара тоадаь хила дезаш да цу оагӀонца дувзаденнараш», - белгалдир премьер-министра, ший къамаьла юкъе.
