Халкъа цхьоагӀон Ди дездир Ӏаьлий-Юрта, доккха концерт луш
Халкъа цхьоагӀон ди хьатӀадоагӀаш, Ӏалий-Юртарча культуран ЦӏагӀа кхетаче хилар. Лайчилла бетта 4-ча дийнахьа дездеш дола цӀай хиларо вай тӀехье цхьоагӀо йолаш, барт болаш хилара хетадаь дар из. Ӏаьлий-Юрта хиннача кхетачено къаьстта из иштта хилар къаьгга хьагойтар.
«Хоза вӀашагӀъелла программа яр. Россе халкъа иллешца, ашарашца дездир цӀай, халхараш дар юкъедаьха, тайп-тайпарча вай боккхача мехка дахача къамий Ӏадатех дола. Къонача дешархоша гойтар шоай начӀал, байташ ешаш; цунца цхьана белгалдеш дукхача къамий культура, цхьоагӀо, Ӏадат вай юкъара леладеш хилар; хьаллоацаш воайла дикагӀа йола къамий оамалаш. Хӏара номер вӀашагӀъеллаяр ноахалаша бувзамаш чӀоагӀдеш хилар юкъедоаладеш», - аьлар «Сердало» газетага из болх вӀашагӀбеллараша.
Цу деношка дагаух вайна дукха Даьхен исторе моттигаш - 1612 шера Москва мукъаяккхар. Халкъа ополчене; шийна керте Минин Кузьма, Пожарски Дмитрий латташ; лелхабир польша интервенташ, царна дӀагойташ Даьхе, паргӀато бахьан деррига къамаш цаӀ хинна этта хилар, тӀавенача моастагӀчох лата.
Из цIай духхьал дагалоаттаду ди хинна Ӏац. Цо хьалхадоаккх халача хана къамий цхьоагӀо, боккха низ хинна, оттилга. Ӏаьлий-Юрта дӀайихьа кхетаче цунна тешал деш яр. Цӏай дӀадахьара искусство, исбахьален дош, халхар - из деррига белгалдеш дар цига.
