Къаман цхьанкхетара Ден хетаяь, берашца экскурси дӏайихьар Магасе
29.10.2025 09:32
Къаман цхьанкхетара Ден хетаяь, экскурси дӏайихьар берашца Магасе культурах, спортах, туризмах йолча моттиго.
«Сердалога» из хоам бир цу гӏулакха хьалхалаттараша. «Йиъ электромобилаца Магасе гӏолла гобаьккхар дукха бераш долча, хала боахкача дезалерча, иштта СВО операце доакъашхой бераша. Зязганаькъан Идриса цӏерахча проспекте гӏолла гобоаккхаш, дунен эггара лакхагӏа йолча музее кхаьчар уж. Барта Гӏалан чу царна дийцар шахьара исторех, мехка хьал тоадеча доккха дакъа лаьцача бахархоех», - йоах хоамо.
Из кхетаче дӏаяхьа вӏашагӏделлар вар шахьара да вола Тиймарзанаькъан Муса.
