«Керттера декхар - наькъашкарча хатарех бераш лорадар! Бераш салаӀа цӀагӀа дусаш йола ха хьаэттай, цунга хьежжа, массаза санна ишколашка ухаш, царца кхетаченаш дӀакхухьаш, хьехар деш ба ГИБДД болхлой.

Укх наькъа уж баха хилар, Наьсарерча № 3 йолча ишколе. Ахкан хана наькъашка геттара фийла хила везилгах, наькъашкара бокъонаш йовза езилгах дийцар берашка», - йоах тхогарча хоамо.

Геттара лоархӀаме да, ара баьдъелча, машинаца воагӀачо дикагӀа зувргволаш, барзкъах моллагӀа къегаш, сердал луш йола хӀама яллар. Ахкан бетташка бераш геттара дукха хул новкъа, цунга хьежжа, чӀоагӀа фийла хила беза боккхийбараш а.