РФ Президента нах тӏаийбеча ГӏалгӀай мехкарча моттиге, доалахьара хӏама дераш тӀаийцар
Карарча шера тов бетта 1-ча дийнахьа денз, вахара бувзамий оагӏонашка лелаеш йолча бизнеса лаьрххӀа йола бокъонаш араяьхай. Фу яхилга да из иштта къахьегача наха? Из кердадар тахкара ГӏалгӀай мехкарча РФ Президента нах тӏаийбеча моттиге, моттигерча УФАСа кулгалхочо Йовлой Рамзана вӏашагӏкхетараш хилар, шийна тӏабаьхкача наьха хаттарашта жоп делар. Цох дийцар «Сердало» газетага хьакима зарбан болх лелабераша.
Карарча хана, товараш дохкар, болх лелабар, кхыдола хьалаш лоаттадар дӀахьош йола Интернета оагӀув, лаьрххӀа йола мах бара майда хила йиш йолаш я. Цига хила деза ший предприятех дола дизза хоамаш (ИП е ООО), эцачунца чӀоагӀо яр, товар юхадалара йола бокъонаш лораяр.
«Цо таро лургья эцархой бокъонаш лорае, иштта новкъостал дергда цӀена бизнес лелае», - аьлар УФАСа болхлоша.
