«Ахканарча лагере салоӀа денош дӀахьош вай къаман культура, истори, Ӏадаташ довзаргда Палестинера деха, вай мехка кхаьчача мискача берашта. Керда новкъостий лохаш, дог Ӏаббалца салоӀаш дӀахьоргда цар шоай денош.

ЧӀоагӀа лоархӀаме да дукха халонаш, тӀема унзара сурт бӀаргадайнача цу берий дог хьастар, цар хьашташ кхоачашдар.

Тахан воашта могар даь, царна йӀовхал, безам, терко луш хила деза вай», - белгалдир вай Мехкадас Келаматанаькъан Махьмуд-Ӏаьлас. Берашка лагере хьеж тайп-тайпара ловзараш, сакъердам, кхетаченаш, иштта цар дегаш ураоттадергдола кхыдараш а.

Дега паргӀата бола салоӀам, чаме дола даараш лоаттадергда лоархӀамеча хьаьшашта республике.