Республикан Ӏаьдало белгалъяьй кхыйола планаш а, уж кхоачашъ,ергья Къилбаседа Кавказа лоархӀамеча инвестицей кхетачене. Цу тайпара, КИФ дӀахьош, лоархӀамеча каьхаташта кулг яздергда, цу юкъе ГӀаьбартой-Балкхарой республика, Селий мохк а болаш, мах бара, Ӏилман, культуран даькъош чулоацаш.

Цул совгӀа, лоархӀаме барт бе лаьрхӀад Россельхозбанкаца инвестицей проекташ хьаллацара, иштта «РЖД ОАОца, Нохчий Республикаца, транспортни даькъ тӀара болх дикагӀа дегӀабоалабара.

Иштта барт беш, кулг язде лаьрхӀад «Урхаллен компане ООО «КӀалах гӀирсаш деча промышленноста технопаркаца», цхьаькха кӀалах гӀирсаш деш йола пхьоалле хьаелла дагахьа.

ГӀалгӀайчен Кулгалхочо Келаматанаькъан Махьмуд-Ӏаьлас белаглдир, КИФ республикан экономически таронаш гойташ, керттерча даькъ тӀа инвестицеш юкъейоахаш бола болх дӀабахьара йола кӀийле я.

«Со тешаш ва, цига дакъа лацаро керда таронаш хьаеллаш, къамашта юкъера бувзам чӀоагӀбергхиларах», - аьлар мехка кулгалхочо.

Белгалду, ГӀалгӀайчен викалаш цига дакъалоацаргда туризма, промышленноста даькъ тӀа, иштта экономически дегӀадара хьал а дувцаргда. Республико цига гойтаргья «РИАК» ООО, «Инвест-Стройпроект» стендашка гӀолла экономически таронаш.

Кхетаче дӀайолаяла массехк ди мара дисадац, из дӀахьоргья маьтсела бетта 25-ча денгара 27-ча денга кхаччалца Минеральни Воде, хӀаьта мохк кийчо яь боалаш ба.

«ГӀалгӀайче кийча я цига дакъа лаца. Со тешаш ва регионе керда инвестицей проекташ юкъеяхара из дика кӀийле хиларах», - аьлар Келаматанаькъан Махьмуд-Ӏаьлас.