Республикерча бешамех дувцаргда гӀалгӀай паччахьалкхен университете
13.09.2024 11:15
«НЕурок географии» яхача Эрсий географически оагӀон проект йоаржаеш, «ГӀалгӀай мехкара бешамаш: Ӏадаташ, Ӏалама дездараш дийндар» яхача темах урок дӀахьоргья гӀалгӀай паччахьалкхен университете.
«Проекта керттера декхар - Россе географи йовзарцара безам чӀоагӀбар, цу оагӀонцара кхетам лакхбар. Республикерча бешамех, кхоачамах, из гӀулакх доаржадеш, тоадеш вай къаман наха юкъедихьача даькъах дувцаргда студенташта», - дийцар «Сердало» газетага университета болхлоша.
ГӀалгӀай мехкара истори, культура, географи йовза мел ловрашта, хьаэца пайда хургба лекцеца.
