«Истори лорадераш» яхача проекта чудоагӀаш, МагӀалбика дешархой сийленгаш долча бахар
«Истори лорадераш» яхача проекта чудоагӀаш, МагӀалбика дешархой, «Хьалхарчар болама» хьинардараш Сийлахь-боккхача Даьймехка тӀем тӀа Котало яьккха 80 шу дездара лаьрхӀа боккха болам дӀахьош хилар.
«Цу тайпара боламаш вай юкъехьош дола дакъа да турпалхой, Даьхе бахьан долаш шоай синош дӀаденнарий цӀераш лораяра», - аьлар кхетачен доакъашхоша.
№18 йолча ишкола дешархоша «Сийле» яхача Мемориала комплекса гонахьа шахьара парке лостам бир. Бераша нувхаш а Ӏолийга докъаденна гӀаьнаш а дӀадаьхар, цӀай долча дийнахьа из моттиг цӀенагӀа а хозагӀа а хургйолаш.
№1 йолча ишкола «Хьалхарчар болам» яхача даькъа хьинардараша цӀендир разведчика Мордвинов Володяйна оттадаь сийленг, из латт ишкола доазон тӀа, хӀаьта №13 йолча ишкола дешархоша «ЦаӀ йолча Россе» викалашца цхьана лостам бир тӀема сийленга юхе.
