Акушеркашта лаьрхӏа дешар да РКПЦ дӏахьош
28.11.2025 10:47
Акушеркашта лаьрхӏа дешар да республикерча бераш деча моттиге дӏахьош. Акушеркаша шоай балхацара говзал лакхъяра тӏехьа дӏахьош болх ба из. «Сердалога» из хоам бир унахцӏенон Министерствон зарбан болх лелабераша.
Хӏара урок цхьацца оагӏонцарча балха хетаяь я. Акушерствохи гинекологехи йолча кафедра доцент йолча Именаькъан Тамарас акушерий балхаца лоархӏамедараш белгалдеш, болх ба цига дӏахьор.
«Бер де хьайзача кхалсагаца лораде дезараш малагӏаш да, иштта хьал дика доацача, геттара фийла хила везача кхалсагаца тӏахьожама болх мишта дӏабахьа беза белгалду дешара юкъе. Лекцешка гӏолла дайзар, балхаца дӏачӏоагӏдеш, къахьег цига», - дийцар тхога министерствон болхлоша.
