Хьакимашка дехар дича, СоагIапчара никъ тоабир
30.10.2025 16:21
Бахархой тIаийбу ди дIахьош, МагIалбика кхален кулгал деча Къоастай Iаддал-Хьамидага леткъар СоагIапчара яхархо. Цо дийцачох, Iоахарганаькъан цIи лелаеш болча урама хьал геттара воча даьннад, газ чуюллаш болх дIабихьачул тIехьагIа. Кадаш хиннача кхалсага дийцар; догIа деча машинаца водар а, гIаш водар а чIоагIа хала дIаваха везаш хул цига гIолла, яхаш.
«Кхален кулгалхочо тIадиллар; никъ ма хулла сихагIа тоабе, аьнна. 200 м кхоачаш бола никъ кагий жагIа тесса тоабир, лакхера нийсбеш, шаьрбеш болх дIабихьар. Керттердар - болх сиха чакхбаккхар», - дийцар «Сердалога» кхален администраце болхлоша.
Таханарча дийнахьа Iоахарганаькъан цIерах болча урамера никъ, бахархой раьза болаш, боаггIача боараме тоабаь латт.
