Наьсарера моттигаш цӀена лоаттаю ЖКХ болхлоша
30.07.2025 10:21
ЖКХ оагӀонцарча къахьегамхоша шоай болх боаггӀача боараме дӀахьош хиларах, Наьсаре массахана цӀена, лостам болаш я. Из хоам «Сердалога» бир шахьара мэре.
«Шахьарерча урамашка, паркашка, нах гуллуча моттигашка лостам бе арабувл хӀара денна ЖКХ болхлой. ЦӀена гӀашлой наькъаш, хоза кулг теха латта кӀотаргий, зизай, гаьний моттигаш, ханнахьа нувхаш дӀаяхьар - из деррига гӀадвугаш да дӀа-юха хьежача. Шахьара куц тоаду хӀамаш да уж», - йоах тхогарча хоамо.
Шахьара кулгалхоша бахархой тӀахьех моттигаш цӀена лоаттаяра, нувхаш ца йоаржаяра, совъяьнна хӀамаш юташ дӀа ца ахара. Из деррига лорадеш хилча, Наьсаре массахана хоза, лостам болаш, бӀарг гӀадбугаш хургья.
