ГӀалгӀайчен юрташкара, шахьарашкара нах дукхагӀа тӀалатта моттигаш сердалца Ӏалашъеш я
09.12.2024 09:55
Юкъарча моттигашка дукхагӀа терко лоаттаю ГӀалгӀайчен шахьарий, юртий Ӏаьдало. Алхасте вӀашагӀбеллар еха лампаш тоаяра бола болх, яхаш, дийцар «Сердало» газетага ГӀалгӀай Республикан Шолжа кхален администраце.
«Уж балхаш дӀахьош, говзанчаша хийцар лампаш, шин бӀоагӀа тӀара сердал тоайир. Юрта ток кӀезигагӀа дӀаозаш йола лампаш яр уж», - аьлар хоамо.
Цу тайпара болх дӀахьош хиларо Ӏалашо ю бахархой кхерамзленна, иштта вахара хьалаш а тоаду.
