Керда тока бӀоагӀий увттадеш, боахк Алхасте
20.06.2024 09:37
Юртара тока гӀулакх тоадара тӀехьа; керда тока бӀоагӀий увттаде, тока саьргаш хувца арабаьннаб Алхасте. Из хоам «Сердалога» бир Шолжа кхален администраце.
«Нови оалача урам тӀа вахача тӀема операцен доакъашхочо дехар даь, тока хьалу гӀирсаш хувцаш баьхкар Алхасте. Тишденначарна меттел 14 керда бӀоагӀа бегӀар цар», - йоах хоамо.
Иштта тӀема операценна юкъе дегӀа могашал эшаеннача вахархочун дехарах, цу урам тӀара хин турбаш хувцаш болх дӀабихьар, дукха ца говш тоабе лерхӀ цу юкъера никъ а.
Карарча хана Советски оалача урам тӀара 12 бӀоагӀа хувцаш, керда тока саьргаш чудехкаш боахк къахьегамхой. Юрташкара хьал тоадара тӀехьа дӀахьош беркате болх ба из.
