Наьсарен кхален Буро кӀалха хьалъеш латт таханарча заман ФОК
21.05.2024 16:43
ГӀалгӀайчен Наьсарен кхален Буро кӀалха, «ДегӀаахар» яхача къаман проекта чуйоагӀаш, физкультурно-унахцӀенон комплекс хьалъеш латт. ЧӀоагӀа сатувсаш хинна спортивни гӀишло хьалъяь яларга хьежаш ба моттигера кагирхой.
«Хургйолча физкультурно-унахцӀенон комплекса лардаш дӀаехкай, аьшка пенаш хьалдеттад, юкъ дӀаеллай, хӀанз электромонтажни балхаш дӀахьош да. ГӀишло хьалъеш боахкараш ба «Экострой» ООО компане гӀишлонхой», - аьлар ГӀалгӀайчен гӀишлошъяра Министерстве «Сердало» газетага.
Кастлуш цу юрта бахача наьха таро хургья шоай могашал тоае, дикача хьалашка спортаца ювзаенна ха дӀаяхьа.
