Чамалха яхача юрта хьалъеш я ФАП
Чамалха кастлуш дукхача шерашка сатийса ФАП хьаелларгья, керда лорий фусам хьалъе дӀайолаеш я кӀимарса бетта. Цох дийцар ГӀалгӀай Республикан Кулгалхочун, Паччахьалкхен зарбан болх лелабераша. Ер шу чакхдалале из хьалъяь яккха лерхӀ.
ФАП хьалъеш я, «ДӀахо дӀахьош дола дика вахар» яхача лорий балха хьалаш тоадара йолча программа чуйоагӀаш. Керда лорий центр хургья таханарча заман гӀирс чулатташ, цу юкъе УЗИ яккхара моттиг а йолаш, иштта бахархошта сийрда, йоккха кабинеташ хургья болх бе, маьхий тоха, фельдшера къахьегам дӀабахьа, стационара палаташка могашал меттаоттае таро а хургья.
ГӀалгӀайчен кулгалхочо Келаматанаькъан Махьмуд-Ӏаьлас белгалдир, гаьнарча юрташка уж дегӀайоалаяра дола хьалаш Ӏалашдеш хилар.
Къаьстта теркам тӀабохийт лоархӀаме гӀишлош хьалъяра, цу юкъе я ФАПаш. ХьалхагӀа Чамалха яцар шоай лорий моттиг, цига вахаш вола 500 саг лоалахарча юрташка аха везаш вар лорий гӀо эшаш хилча», - аьлар мехка Кулгалхочо.
