ГӀалгӀайчен Эккажкъонгий-Юрта миграцен даькъ тӀа кхоачамбоацараш гучадаьлар
Миграцен хаттарех йолча урхаллен болхлоша, иштта ГӀалгӀай Республике гӀолла йолча МВД эктремизмаца къовсам лоаттабеча Центра, ГӀалгӀай Республике гӀолла йолча Россе УФСБ болхлоша, шоай аргӀанара болх дӀахьош, гучадаьккхар гӀалгӀай йоккхагӀа йолча Эккажкъонгий-Юрта кхыча мехкара нах бахаш хилар, яхаш, дийцар «Сердало» газетага республикан МВД.
«Из болх дӀахьош, каьхаташ оттадаьд, российски законах ца доагӀаш, из леладеш волча сага духьала. Царех цаӀ Россе доазон тӀа хила йиш йолаш вац, шоллагӀчун каьхаташ нийса цахилар йоазонца белгалдаьд», - йоах хоамо.
Кхыча мехкара баьхкача наха духьала пхиъ каьхат оттадаьд, иштта пхи каьхат яздир ГӀалгӀайчен вахархочунна духьала, законах ца доагӀаш, уж нах цо ший фусаме лелабарах.
Вай мехка хьавоагӀаш вола хӀара саг, болх беш вале а дешаш вале а, Россе законаша яхар деш хила веза.
