ГIажарий-Юртара парк тоаеш баьхкар болхлой
13.11.2025 10:55
Боккха болх дIабихьар мехка, ГIажарий-Юртарча парка куц меттадоаладеш. Йиллача хана болх чакхбаккха аьттув баьннаб, хIанз паргIатта шоай юртарча парке салаIа, ха дIаяхьа йиш йолаш ба цигара бахархой. «Сердалога» из хоам бир хоамий оагIонцарча балха кулгал деча ЦIечой Беслана.
Вахарера моттигаш тоаярах йолча къаман проектага гIолла чакхбаьккхаб болх. Керда гIандаш, лампаш егIа, наха болабала доазош къоастадаь хоза хувцамаш даьд парке. Цул совгIа, берашта лаьрхIа моттигаш къоастаяьй. Ловза, паргIатта шоай наьнаца, даьца цига салаIа йиш хургья цар а.
Кхален администраце белгалдечох, кердача хувцамаша дог гIоздаьккха ба бахархой.
