Долакоа кхетаче дӀайихьар, СВО доакъашхой хьаллоацаш
ГӀалгӀайчен МагӀалбика кхален Долакоарча культуран цӀагӀа, юрта библиотека болхлошца цхьана, «Ӏомалу турпалхошца Даьхе лорае» яха кхетаче дӀайихьар, Россе дӀахьош йола Донбасс лораяра лаьрххӀача операце доакъашхой хьаллоацаш.
«Кхетаче дӀахьош вар «Маска» яхача драматически кружоке Ӏомалуш вола Алерой Шамхан. Цо дийцар гулбеннарашта Россе лаьрххӀа йола операци дӀахьош хилара долча бахьанах, цига Донбасс мукъайоаккхаш гойтача деналах», - аьлар «Сердало» газетага.
Цу кхетаче дакъа лоацаш вар юртарча администраце кулгалхо УзиевгӀар Хизар. Цо белгалдир, вай мохк дӀаяхача ханашка халонех чакхбаьнна хилар, бакъда массаза котбоалаш хьабена хилар, иштта белгалдир юртахоша СВО тӀема декхар кхоачашдеча денал, майрал гойташ хилар.
Доалакоарча администраце Кулгалхочо дийцар, тахан ГӀалгӀайчен кулгалхоша хӀара бӀухочун, контрактах ший лоӀам болаш цига вахачун дезала гӀо деш хиларах, иштта цо ловца баьккхар, СВО дакъа лоацаш бола вай бӀухой маьрша цӀенах кхетар ловш.
Из кхетаче дӀахьош, дешархошта бовзийтар «Цар денало хестаю Росси» яхача книжкай гойтам.
