Юкъерча Ачалкхе дика дӏахьош ба, тӏий тоадара болх
02.10.2025 10:20
2022 шера денз, республикан наькъахой тӏаьш тоадеш ба. Цу юкъа цар керда тӏаьш хьалдаьд Илдарха-Гӏалий тӏа, Шолже, Наьсарен Эккажкъонгий-Юрта. Хӏанз тӏатеӏӏа из болх дӏахьош ба, Магӏалбика кхален Юкъерча Ачалкхе 50-ча шерашка хьалдаь хинна тӏий тоадеш.
Гӏалгӏай Республикан Минавтодортранс зарбан болх лелабераша яхачох, цхьадола балхаш даь даьннад. Дисараш да хиш дӏаухаш йола моттиг, гидроизоляци яр. Иштта де дезарех да наькъа дувхара балхаш, гонахьара йистош чӏоагӏъяр.
«Тӏий аварийни хьале дар. Цу хана денз, хӏанз мара из тоадаь а хиннадац. Из тоадаь даларо таро лургья транспорт лелара болх а иштта кхерамзле хилара дика ӏалашъе. Деррига балхаш чакхдаргда 2025 шу йистедоалаш», - аьлар наькъаштоадераша.
