Эбарга-Юрта хоза тӀаийцар маьтсела бетта 1-гӀа ди
Эбарга-Юрта дӀадихьар маьтсела бетта 1-ча денца дувзаденна цӀай, из да Дунен халкъашта юкъера къагемхой барта Ди лоархӀаш. Цунна хетадаь, культуран цӏагӀа концерт хилар, яхаш, дийцар «Сердало» газетага Шолжа кхален зарбан болх лелабераша.
«Кхетаче дӀайолаелар ГӀалгӀайчен поэта, юкъара болх лелабеча Балайнаькъан Хьасана байташца. Юртарча №1 йолча юкъерча ишкола дешархоша Хьаьшанаькъан Иманас, Дале шоашта хоза хеташ йола халкъа ашараш лекхар. Хӏаране чулоацам ГӏалгӀайче хестаеш бар. «Сийг» яхача ансамбла викалаш белгалбаьлар халхарца, цар хьажархой терко тӀаэзар, шоай начӀал гойташ. Гулбеннараша уж хьаллоацар тӀоараш тохарца», - аьлар хоамо.
Культуран цӏен болхлоша лоархӀ, маьтсела бетта 1-гӀа ди, къахьегама, машара, хургдолча дикашка сатувсийта ди да, аьнна.
«Массаза а къахьегамах дог гӀоздоалаш дахалда вай. Хӏара фусаме машар, сердал, аьттув болаш!» - йоах культуран болхлоша шоай юртхошка.
