Эбарга-Юрта герз кхосса ӏомалуш ба
Наджгоанцхой бетта 15-ча дийнахьа денз, Эбарга-Юртарча аренашка дӏахьу герз кхосса ӏомалуш бола болх, яхаш, дийцар «Сердало» газетага моттигерча администраце зарбан болх лелабераша.
«Уж ӏомалу, ӏуйрийна ийс сахьат даьлча дӏаболабеле дийнахьа ши сахьат даллалца; иштта сайрийна диъ сахьат даьлча дӏаболабеле бийсан 3 сахьат даллалца. Из лаьрххӏа дӏахьош да Эбарга-Юртарча полигона даькъ тӏа, цу юрта къилбаседа оагӏон тӏа 4 км йолча доазон тӏа. Цу балха чудоагӏа наьха кхерамзле лораяр, ӏомалу уж денош чакхдаллалца 12 дийнахьа бахархой цу доазон йистецабитар, моттигерча ӏаьдало цу тайпара терко ю, дагадоаца зулам даргдоацаш», - аьлар администраце.
Белгалду, герз кхосса ӏомалу денош хургда 21.01, 22.01, 23.01, 26.01, 27.01, 28.01, 29.01, 30.01. 2026 шера.
