Керда никъ буллаш латт Йоккхача Ачалкхе
23.05.2025 14:18
Дукха ха йоацаш хьайийллача № 9 йолча Йоккхача Ачалкхерча ишкола тӀабодаш, керда никъ буллаш боахк мехка. Наькъий гӀулакхех йолча ганза рузкъах, юртарча администраце дехар даь, чакхдоаккхаш да из беркате гӀулакх. «Сердалога» из хоам бир кхален администраце.
Шолха асфальтобетона никъ Ӏобилла кӀалхара кӀийле кийчъеш боахк цига карарча хана. Ер бутт чакхбоалаш кийча хургба 850 метр бӀаьха бола никъ, Дала аьннадале.
«Ишколерча дешархошта, хьехархошта йоккха паргӀато луш хургба керда никъ. Юртарча бахархой хьал аттача доаккхача, лоархӀаме дакъа дӀалоацаш я проект», - белгалдир МагӀалбика кхален администраце.
