Яндаре СВО ворхӏ доакъашхочун сийна баннер оттайир
31.10.2025 15:31
Яндаре оттайир ЛаьрххӀача операце 7 доакъашхочун сийна баннер,яхаш, дийцар «Сердало» газетага ГӏалгӀайчен «Даьхен лорабой» ганза кулгалхочун нахаца бувзам лелабара гӀончас Джанхотанаькъан Мадинас.
«Дагалоаттама сийленг оттадар кхоачашдеш хилар ганза болхлой, Наьсарен кхален администраци. Урам тӀара гӀирс оттабир дагалоаттама гаьнаш, ГӏалгӀайчен дешара моттигашка парташ бӀухой сийна оттадара йолча проекта чудоагӀаш», - аьлар хоамо.
«Цу тайпара хьалаш кхоллаш хила деза вай кагирхошта патриотически кхетам балара, дешархой, студентий бехктокхам лакхбара, уж Даьхенна мутӀахьа хургболаш, цун исторе турпалхой цар лоархӀаргболаш», - аьлар «Даьхен лорабой» ганза кулгалхочо Оздой Муслима.
