Магӏалбика кхален Южне, керда гӏишлош хьалъеш латт
«Юрташкара доазонаш дегӏадоаладар» яха паччахьалкхен программа кхоачашъеш, Магӏалбика кхален Южне шо-шоай аргӏагӏа хьалъеш латт керттера моттигаш. Цу юкъе я берий беш 120 моттиг йола, ер шу чакхдоалаш хьалъяь яргья; хин турбаш чуяхкар 9 км йӏаьха; «АлМаВит Фрут» ООО тӏабода автомобильни никъ «Заьзгакъонгий-Юрт-Махьмад Хитӏе-Моздаке» автомобильни наькъагара, бӏоахал 1, 43 км.
Укх деношка цу кхаь балхага хьежар юртбоахама министра гӏонча Цхьорой Ибрахӏим, гӏишлошъяра министра гӏонча Манкенаькъан Илез, иштта цу юрта кулгалхо Къоастой Заур.
«Тха керттера декхар да-юртбоахама доазонаш дегӏадоаладар, цудухьа юртбоахама таронаш уж дешаш кхоачашдара дӏайохийт. Кхоачашъеш йола проекташ лаьрхӏа я сага вахар тоадара.
Уж яц шоайла къаьстта йола гӏишлош, уж вӏаший хоттаенна я, юртара вахар тоадара йолча таронашца», - аьлар Цхьорой Ибрахӏима.
