Оалкама къоаной Ди дездир
Мелача гуйран сайрено гулбир Оалкамарча культуран ЦӏагӀа дукха хьаьший. Цӏай концерт «Массанена дика лу» яха цӏай-концерт хетадаь дар ха яхача наха, царна цох совгӀат а хилар. ЛаьрххӀа из кхетаче хьайийллар, моаршал хоатташ, культуран салоӀама моттига кулгалхочо Гӏарбакханаькъан Мадинас. Цун дег чура боагӏача ловцан дешаша дӏахозачун дог гӏоздоаккхар, къаьстта боккхийча наьха.
Сайре дӀахьош бар безаме бола Йовлой Алия, Хамхой Сафия. Цар дӀайхача дешаша зале хиннарех хӀаране дог паргӀатдоаккхар. Йицлургйоаца безаме ха яр гулбеннарашка кхаьчар. Цӏай хоздеш дар культуран цӏен кхоллама кружокашка Ӏомалуш долча бераша гойта шоашта ховр. Иллеш а халхараш а хилар, цаӀ шоллагӏчунца хувцалуш, наьха сапаргӀатадоаккхаш», - аьлар «Сердало» газетага из болх вӀашагӀбеллараша.
Хьажа баьхкараша а дика дакъа лаьцар цу концерте. Довзаш дола иллеш оалача хана, дуккханеша тӀехьаоалар, дагайохийтар вахарера хоза моттигаш. Гӏадбахаро боккхийчар дегаш хьалдизадар. Цар баркал аьлар къонача артисташта, шоай самукъадаккхарах.
«Массанена дика лу» яха концерт дӀадахьаро хьагойтар; мел лоархӀаме да боккхий нах лархӀар, цар йоакхо яр.
