Южне 120 моттиг хургйола хьалхара берий беш хьалъе йолаяьй
27.09.2024 16:35
ГӏалгӀайчен МагӀалбика кхален Южне хьалъеш я, 120 моттига лаьрхӀа йола берий беш. Республикан гӀишлошъяра Министерствон лоӀамах, из болх дӀахьош я «Евростройсервис».
«Таханарча денга кхоачаш, 40 процент болх баь баьннаб. Гӏишлон аьшкабетонах деш дола пенаш хьалдаь даьннад, хьалхарча а шоллагӀча а гӀаташта юкъера юкъ чӀоагӀъяьй. Тока подстанци хьалъяьй, пенаш чӀоагӀдеш дола балхаш даьд.
Хӏанз чура кирпишкаца деш дола балхаш дӀадоладаьд, юкъера йовкъаш ехкаш», - аьлар «Сердало» газетага ГӏалгӀайчен гӀишлошъяра Министерствос.
Из берий беш хьалъяь яргья хьатӀадоагӀача шера. Цох хургья цу юрта хьалъяь цу тайпара хьалхара гӀишло.
