Россе Паччахьалкхен герба Ди дездир ишколашка
01.12.2025 10:13
Россе Паччахьалкхен герба Ди дездарга хьежжа, мехкарча ишколашка кхетаченаш хилар «Бералла наькъаш» яхача проекта тоабан. Из хоам «Сердалога» бир цу гIулакха хьалхаэттараша.
«Лайчилла бетта 30-ча дийнахьа дездеш да герба цIай. Берашта цу оагIонцара лоархIамедараш довзаргдолаш, «Паччахьалкхен дезадараш», «Даьхен герб» яха кхетама хьал гойташ дола ловзараш дIадихьар ишкола кулгалхой гIончаша. Бераша шоашта хьалхашка оттадаьча хаттарашта жоп луш, массане хьаллоацаш, дIайихьар из кхетаче», - йоах тхога бенача хоамо.
Россе Паччахьалкхен дезадарий истори довзийташ йола лекци йийшар берашта. Россе герб, байракх, гимн маца, мишта хьахиннад дайзар царна, иштта цар кхетадир, уж хIамаш Даьхен исторенна лоархIаме долга.
