Къамашта юкъерча бувзамах йола массехк лекци йийшар мехкарча ишколашка
19.09.2024 10:03
Республикерча дешара моттигашка лекцеш дӀакхухьаш хилар Миннац, мехка къаман-культуран автономе доакъашхой. Магасерча, Наьсарерча, Илдарха-ГӀалий тӀарча, Шолжа-Шахьарерча ишколашка дӀайихьар къамашта юкъера барт, бувзам чӀоагӀбеш йола кхетаченаш.
«Дешархошта хьалхадаьккхар, тайп-тайпара культура йолча Россе къамашта юкъе барт, цхьоагӀо хилар мел лоархӀаме да. Иштта берашта дийцар, тӀема турпалий сийле лораеш, истори довзаш хила дезилга», - яхаш, хоам бу «Сердалога» кхетачен доакъашхоша.
Белгалде деза, иштта йолча кхетаченаша дешархой культуран оагӀонцара кхетам лакхбелга, иштта тайп-тайпарча къамий истори, Ӏадаташ, оамалаш лархӀа Ӏомабелга.
