Гӏалгӏайчен ишколашка «Вахара лелам» яха болам хилар
Гӏалгӏайчен дукхача ишколашка дӏабихьар «Вахара лелам» яха болам, из хетабаь бар Халкъашта юкъерча мукъама денна, яхаш, дийцар «Сердало» газетага «Бералла наькъаш» яхача проекта медиа-говзанчас Коазой Миланас.
«Цу юкъе дакъа лоацаш хилар ишкола а колледжа а дешархой, цу дешара моттигий кулгалхой хьехамчаша из могадарах. Даьхен композитораша хьакхелла ашараш кагирхошта бӏарчча дийнахьа хозаргйолаш оттабаьбар из болам»,- аьлар хоамо.
Цул совгӏа, цхьайолча дешара моттигаша дӏайихьар тоабай яхьаш, «Дега мукъам» яхача ашарий кафе. Укхаза уж вокальни говзал гойта езаш бар, цу гӏулакха керттера бокъонаш а лораеш.
«Вай ноахала мукъам» яхача кхетаченна чудоагӏаш, иллеш хьакхеллар «Россе Аьрзеш» яхача эггара зӏамагӏа болча хьинар дарашта.
Тхоца къамаьл даьчо яхачох, из дӏадахьара болх хьалхабаьккхар ва композитор Шостакович Дмитрий, из хьежав ашарий меттага гӏолла нах вӏашкаоза.
