«ГӀирман исторе сурташ» яха ловзар дӀадихьар вай ишколашка
19.03.2025 09:54
ГӀирма, шахьар-турпал Севастополь Россех хьакхетар дездеш, «ГӀирман исторе сурташ» яха ловзар дӀадихьар ишколай кулгалхой гӀончаша. Из хоам «Сердалога» бир цу гӀулакха хьалхаэттараша.
«Европан гӀибухен-малхбоален оагӀорахьарча гӀайренах лаьца дийцараш дагалувцаш, исторецара шоай кхетам мел ба хьожаш, 1783-ча шера императрица хиннача Екатеринай манифестаца, ГӀирман ханство оттара болх бовзаш, ха яьккхар бераша», - йоах хоамо.
Иштта «Россе аьрзелгаша» «Хьалхарчар болам» яхача оагӀонца «Крыма бесаш» яха , Крыма моттигашка кхоллама экскурси йир.
