Къам мехкахдаккхара хетаяь кхетаченаш дӀайихьар ишколашка
24.02.2025 11:19
Къам мехкахдаьккха 81 шу дизара хетаяь кхетаченаш дӀайихьар, вай мехкарча ишколашка. Из хоам «Сердалога» бир «Бералла наькъаш» яхача Ерригача Россе проекта зарбан болх лелабераша.
«Къам дохадаь Ӏодахийтара хетаяь йийлла урокаш, сайренаш дӀакхухьаш хилар вай республикерча ишколашка. Из ди вай даьшта мел Ӏоткъаме хиннад, цар мел доккха Ӏазап текхад гойта гӀерташ къахьийгар хьехархоша, бераша», - дийцар тха газетага.
13 шера къамо хийрача, шийлача мехка лелаш, Даьхенах хьегаш, гӀийла дегаш делхаш, текхача Ӏазапах дийцар кхувш латтарашта.
