ГIалгIайчен ишколашка «ЛоархIаме къамаьлаш» яха урокаш дIайихьар
КIиран хьалхарча дийнахьа, «ЛоархIаме къамаьлаш» яха ерригроссийски проекта чуйоагIаш, цу темах йола урокаш дIайихьар. Тахан из яр «Арктика- дегIаахара доазув» яхаш. Дешархоша шоашта ховш дар гойтар цу гаьнарча, халача мехках лаьца, цига бахача наьха вахарах, ГIибухера Шан форд Россена лоархIаме хилар белгалдир.
«ЛоархIаме къамаьлаш» яха дешарца бувзабаь дIахьош бола никъ классай кулгалхошта а иштта дешархошта а Даьхенцара безам совбаккха а лоархIаме а ба. ТIехьара тIа дIахьош йолча урока таро лу российски халкъ «цхьоагIо», «цаI хилар» яхача наькъ тIара даргдоацилга кхетаде, берашта массайолча оагIорахьара кхетам бала. Цу тайпарча темаша берий сакхетам совбоаккх, уйла яйт хургйолча профессе», - аьлар «Сердало» газетага ГIалгIай Республикан дешара, Iилман Министерстве.
