Коталон Денна хетабаь классал арахьара болх дӀабихьар ишколашка
05.05.2025 11:55
«ЛоархӀаме къамаьл» яхача проектацара кхетаченаш дӀайихьар тахан вай мехкарча ишколашка. Коталон 80 шу дизара хетаяь яр уж. «Сердалога» из хоам бир цу оагӀонцарча министерствос.
Берашта дийцар Коталон Ди гаргадоаладеш, фашиста наькъаш тедаш лаьттача бӀухоех. ТӀема сурт гойтача видеошка хьежаш, салташкара иха каьхаташ дешаш, бӀухой цӀераш йовзаш ха дӀайихьар дешархоша.
«Коталон Ди вайна массанена доккха, лоархӀаме Ди да! Даьхе езаш мел бараш вӀашкаозаш дола цӀай да хьатӀадоагӀар!» - белгалдир дешареи Ӏилмани гӀулакхех йолча Министерстве.
