ГӏалгӀайчен ишколашка дӀайихьар, даь Денна хетаяь кхетаченаш
Дас дӀалоацаш дола дезалера дакъа кхувш йоагӀача тӀехьенна мел лоархӀаме да белгалдара, ГӏалгӀайчен ишколай кулгалхой хьехамчаша кхетаченаш дӀайихьар даь Ди хилара хетаяь, яхаш, дийцар «Сердало» газетага «Бералла наькъаш» яхача Ерригроссийски проекта медиа-говзанчас Коазой Миланас.
Программа чудоагӀаш дар массехк дакъа. Цкъа хьалхагӀа дешархоша, хьехархоша, кхелахоша дийцар миштад дá хилар, тахан малагӀа оамалаш я укх заман фусам-даь.
«Даь хьаькъал» яхача болама чудоагӀаш дар, шоай гаргарча маӀача нахага, тайп-тайпара дешаш чудоагӀаш дола йоазош дар.
«Даь кулгаш» яхача къахьегама пхьоалле берий таро хилар, маӏача наьха балхаш де Ӏомадала.
Цул совгӀа, «Хьалхарчар болама», «Бералла наькъий» хьинар дараша вӀашагӀъеллар «Даьца цхьана» яха моттиг, цига бераша дийцар шоай дезалех дола дег чура истореш.
