Йоккхача, зӀамигача Даьхенашта хетаяь урокаш ю ишколашка
24.02.2025 14:27
«Са зӀамига Даьхе» яхача теманна хетаяь урок дӀайихьар вай ишколашка «ЛоархӀаме къамаьл» яхача дешара программага гӀолла. Берашта дийцар, йоккха Даьхе санна, хӀара сага из ваь, кхийна зӀамига Даьхе а йолга. «Сердалога» из хоам бир дешареи Ӏилмани гӀулакхех йолча министерствон зарбан болх лелабераша.
«Берашта дайзар шоай мехка истори, экономикаца, кхыдолча оагӀонашца дувзаденнараш. Къаьстта терко тӀайохийташ дийцар вай къаман Ӏадатех, культурах, тӀема доакъашхоех, йоазонхоех, Ӏилманхоех, вай къам массайолча моттигашка дӀадовзийтача турпалхоех», - йоах хоамо.
Кхетаче йистейоалаш доакъашхоша белгалдир вай массане Даьхе йола Росси тахан низ бола, йоккха Паччахьалкхе йолга.
