Денала урокаш дӀакхухь вай ишколашка
11.02.2025 14:50
Ер шу тӀема коталон 80 шу дизара, тӀема операце доакъашхой шу да, аьнна, чӀоагӀдарах тарра, денала урокаш я вай ишколашка дӀакхухьаш. Из хоам «Сердалога» бир дешареи Ӏилмани гӀулакхех йолча Министерствос. Къаман истори довзийтарал совгӀа, берий дегашка Даьхенцара безам чӀоагӀбеш болх дӀакхухь хьехархоша.
«Сийлахь-боккха Даьймехка тӀом латтача хана хиннараш довзаш санна, шоай даьй истори, Ӏадаташ, оамалаш йовзаргья кхувш боагӀарашта. Къаьстта йоккха терко тӀайохийт фашисташ бохабеш гӀалгӀай къаман къонгаш гойтача майрала. Цар дитар вай тӀехьенна хоза масал хинна латта дезаш да, шоай даьй истори, цар наькъаш довза декхарийла ба тахан ураотташ латтараш», - дийцар тхога министерстве.
