Республикерча ишколашка, керда дешара шу дӀадолалуш, «МАХ» мессенджер юкъейоалаергья
Керда дешара шу хьатӀаоттарца ювзаенна, кхетаче дӀахьош хилар дешареи Ӏилмани гӀулакхех йолча министерствон хьалха латта Цхьорой Ахьмад-Башир. Керттерчарех даь дийцар цига дешара гӀулакха юкъе «МАХ» къаман мессенджер йоаржаярах. Дешархой хоамий оагӀонцара кхерамзлен хьал, иштта кхыдараш лорадара тӀехьа эшаш я тахан йоаржаеш йола керда проект.
«МАХ» мессенджер Россе Паччахьалкхено ший моттигашта лаьрхӀа юкъебаьккха оагӀув ба. Дешархошта, цӀагӀарча даьшта, ноаношта юкъе бувзам хургболаш, керда дешара шу долалуча дийнахьа денз, вай мехкарча дешара моттигашка таьрахьашца дувзаденнарех йола из платформа хьаллоацаш хургба», - дийцар «Сердало» газетага дешареи Ӏилмани гӀулакхех йолча Министерствон болхлоша.
Кхетаче дийцар, карарча хана мехкарча ялх ишколе, шин берий беша из болх чакхбоалаш латташ хиларах. Къаьстта йоккха терко тӀаозаш да, укх шера дешара моттигаш тоаеш болча балха юкъе берий бешамаш а йолга.
Кхетаче гулбеннараша белгалдир, керда дешара шу боаггӀача боарамерча кийчонца, деррига хӀама лертӀа долаш тӀаэца дезилга, цу оагӀонцара болх тӀехдика чакхбаьккха хила безилга массайолча моттигашка.
