МагӀалбика кхален ишколашка дӀахьош ба, полиомиелит оалача лазара духьалара болх
Дешархой шоай могашалах бехктокхаме хургболаш, ишколашка болх беш болча лораша къамаьл ду лазарех лаьца. Керттера терко тӀайохийта дош да, полиомиелит яхача лазарца дувзаденна хьехамаш дар. Цох дийцар «Сердало» газетага МагӀалбика ЦРБ зарбан болх лелабераша.
Дешархошца кхетаченаш дӀахьош, дийцар из лазар миштад, цо шийна тӀехьа дуташ дар мел унзара хьал да.
«Къаьстта йола терко лоаттаю тахан цу лазара духьала маьхий тохара болх дӀахьоча даькъ тӀа, хӀана аьлча иштта мара из юхатоха таро яц. Цкъа хьакхийтача, дӏадалац из. Берий даьшта хьалхадаьккхар уж маьхий тохара бахьан цӏенхашта хилар, хӀара сага дагадоаллача хаттара духьала жоп делар, иштта могадир дикка уйла а яь, цар шоай берий могашал хьаллацар», - аьлар МагӀалбика кхален лорий фусаме.
