Наьсарен ишколашка Коталон 80 шу дизар дездир
09.05.2025 16:08
Наьсарен юкъарча дешара моттигашка дӀайихьар кхетаченаш Сийлахь-боккхача тӀем тӀа Котало яьккха 80 шу дизара хетаяь, яхаш, дийцар «Сердало» газетага.
Укх деношка Наьсарен №3 йолча юкъерча ишколе цӀайца ювзаенна программа дӀайихьар, ЛаьрххӀача операце бӀухошта хетаяь, ГӏалгӀай мехктохкама музея болхлоша, ГӏалгӀай паччахьалкхен университето цхьана. Цига дийкар «Катюша», «Смуглянка», «ГӀарагӀураш» яхаь иллеш, уж наха юкъе лаьрххӀа йола тӀема белгало хинна дӀаэтта дукха ха я.
Наьсарен №1 йолча Гимназе» дешархоша байташ йийшар цу ханах лаьца; иштта терко тӀаяхийтар берий а боккхагӀчар а, исторе оагӀонаш йиц ца еш лелаяра. Къаьстта хьаьшашта хоза хийтар дешархоша гойта театральни доакъош.
