«Ишкол 21» оалача дӏахьоргда йийллача наӏарий Ди
Гӏалгӏай Республикан таьрахьашца дегӏаахара Академе дӏахьоргда йийллача наӏарий Ди. Ардара бетта 1-2-ча деношка, Магасе дӏахьоргда болх шаьрбу дешар, проекташ чӏоагӏъеш, иштта говзанча хьехамаш дӏахьош, аьлар «Сердало» газетага из болх вӏашагӏбеллараша.
«Республикан бахархой, хьаьший таро йолаш хургба дика ӏомабала, цу кхетачен программе дакъа лаца. Ардара бетта 1-ча дийнахьа 11-14 сахьат даллалца проекташ чӏоагӏъеш хургья конференц-зале. Цул тӏехьагӏа 16 сахьат даьлча, ишколе хьабаьхкараш таро йолаш хургба говзанча хьехам луча хила. Из дӏахьош ва Евгений Дунаевский «Системан кхелахо бизнесаи кодаи юкъера таржамхо санна»».
Ардара бетта 2-ча дийнахьа 10.30 сахьат даьлча дӏаболалургба говзанча хьехам «СБП кӏийлен тӏа архитектура кхоллар». 12 сахьат даьлча доакъашхой дехьабаргба конференц-зале, «ИТ-базар тӏа арабалар: де таро йолчарех а йоацачарех а дола къайле йоаца къамаьл» яха кхетаче дӏаяхьа. Из дӏахьош я Дунаевская Марина. Юххера а, кхетаче котбаьннарашта совгӏаташ лургда толамаш дахарах», - аьлар хоамо.
