Къамаьл шаьра дувца ӏомавеш йола курс дӏахьоргья, Магасерча «21 ишколе»
Таьрахьашца дувзаденнараш доаржадарах йолча ишколе, цхьа кӏира даьлча хьаелла лерхӏ Осипов Данила кулгал деш йола, наха юкъе нийса, боаггӏача боараме, шаьра къамаьл дувца ӏома, еш йола курс. Из хоам «Сердалога» бир цу моттига зарбан болх лелабераша.
«13 шера из болх дӏахьош къахьегаш вола говзанча волча пхе кӏира ӏомалуш хургба вай мехкара хьехархой, хьалхалаттараш, цхьацца моттигашкара болхлой. GetCourse (Курс ӏомае) яхача кӏийлен тӏа онлайн-урокаш хургья доакъашхой, иштта таьрахьашца дувзаденнараш доаржадарах йолча Академе кхоллама пхьоаллешка къахьегаргда цар. Курс йистеяьлча, сертификаташ хьалургда царна», - йоах тхога кхаьчача хоамо.
Белгалде деза, Осипов Данила «Росмехкдаьтта», «Газпрома», «Озона», «Яндекса», ВТБ, «Норникела», «Магнита» тоабаш ӏомаеш болх дабихьалга.
