Гӏажарий-Юртарча №3 йолча ишколе, хӀама довзийта яхь дӀайихьар
18.02.2025 16:21
ГӏалгӀай метта, литературан итт ди дӀахьош хиларца, Гӏажарий-Юртарча №3 йолча ишколе саькура бетта 18-ча дийнахьа «Сердалонга бода никъ» яха викторина дӀайихьар, цига дакъа лоацаш хилар 4-5-гӀа классаш, яхаш, дийцар «Сердало» газетага.
Цу кхетачен декхар дар, гӀалгӀай мотт дикагӀа Ӏомабар, цунцара безам совбаккхар, иштта дешархошта Халкъашта юкъерча наьна метта денах лаьца дувцар.
Викторина доакъашхоша дика дакъа лаьцар, шоай кхоллама таронаш гойташ, иштта цу юкъедоагӀаш дар цар актёрий говзал, илли алар, халхар.
Цар, иштта вӀашагӀъелла программа дӀахьош, тӀабийхабар къаман гӀирс, из а цар каст-каста деш дола хӀама да. Царна сийлен грамоташ елар.
