Йоккхача Ачалкхен ишколе, терроризма духьалъоттарах къамаьл хилар
Терроризма духьале лоаттаяра план-графика чудоагӀаш, МагӀалбика кхален №1 йолча ишколе хьехам балара болх дӀабихьар. Из дош хетадаь дар кагирхошта юкъе терроризма духьала къовсам лоаттабара болх шерагӀа боаржабара, из царна хьалхадаккхара, аьлар «Сердало» газетага кхален мэре.
«Дешархошца вӀашагӀкхетар дӀахьош, дакъа лоацаш вар администраце АТК отдела говзанча Къамурзой Мухьмад, Инаркъера имам Йовлой Хьажамурд. Цар белгалдир, терроризма юкъекхувлара дукхагӀча даькъе кагирхошца тайп-тайпара бувзамаш лех, уж Ӏехабалара аттагӀа хиларах, къаьстта кхувш боагӀача хана цар керта чу дукха шоай тайпара уйлаш хул. Керттера терко тӀаяхийтар Интернете гӀолла уж цу наькъ тӀа боахаш хилара», - аьлар хоамо.
Тӏеххьара а йоккхагӀа йолча классай дешархой хаттарашта жоп делар, шоайла бакъахьа хета къамаьлаш дӀа-юха хилар цар.
