СВО бӏухочунна Арсамаканаькъан Сослана сийленг оттадир
Магӏалбикерча №20 йолча юкъерча ишколе, дагалоаттама сийленг оттадир Лаьрххӏача тӏема операце бӏухочун Арсамаканаькъан Сослана. Денал долча зӏамсага сийна дешара моттиге хьадийллар шозлагӏа «Турпалхочун парта», яхаш, дийцар «Сердало» газетага «Даьхен лорабой» ганза филиале.
«Лаьрххӏа дӏахьош хиннача кхетачен доакъашхоша, бӏухочун тешал деш дукха къамаьлаш дийцар. Юкъарлон совета викала Гӏаьнтамаранаькъан Ярагӏе белгалдир; Сослан ше мел вах Даьхе езаш хьавенарех вар, аьнна. «Даьхен Лорабой ганза болх лелабеш волча Коазой Хьамида, тӏема ветерана Ӏоахарганаькъан Адама баркал аьлар веннача бӏухочун нанна, цо иштта денал долаш ший воӏ кхеварах», - аьлар хоамо.
Из болх вӏашагӏбеллараша яхачох, из лоархӏаме кхетаче я дешархошта, хьехархошта, даьшта, цо белгалду тӏема гӏулакхага кагирхой ӏомабар ца хилча даргдоацарех долга.
Арсамаканаькъан Сослан велар 2022 шера. Цо тӏема мугӏарашка гойтача деналах, майралах цунна елар Денала орден (венначул тӏехьагӏа).
